اليومين اللى فاتوا دول كانوا أيام ملحمه.......... لا ولسه الكام يوم اللى جايين دول حيبقوا بهدله كبيره جدا وحاسس أن ربنالو موفقنيش أنا حتبهدل كتير .......... أنا خايف أوى وحاسس إنى بأترعش من كتر الخوف ......... يا رب وعزتك و جلالك ساعدنا ووفقنا يا رب ..... المفروض إن يوم الحد اللى فات أننا كانا حنمتحن هستولوجى بس الدكتور لغاهو بقى كده حيبقى مع باقى الإمتحانات فى الأسبوع الواحد و كمان النهارده الدكتور قال إنه حيبقى فى أمتحان ميد ترم تشريح فى نفس الأسبوعيعنى زاد البلا طين .............. أعمل إيه بس يا رب ...... أنا حاسس إننا حنتفشخ كتييييييييييييييييييييييير ......... أه أه أهدماغة حتنفجرمن كتر التفكير ......... طب أعمل ايه ........ على العموم ربنا ستار حليم غفار كريم رحمن رحيم ........ غمبارح كنت ماشى مع أسامه وبعدين كان عايز يقفط ورده من الجنينه فقطعتله واحده و قطعت لنفسى واحده تانيه لنفسى بسأنا أخدت من الورده دى عبره كبيره جدا ......... لما شوفت الورده من بعيد لقيتها جميله جدا ....... لما قطفتها طلع ملهاش ريحه يعنى هى مجردشكل ........وبعدين بعد كده روحت لهانى وهى معايا وفى الطريق أخدت بالى من حاجه تانيه إن الورده على الرغم من شكلها الجميل فيها بعض الوريقات السيئه مخليه شكلها مش حلو لما تددق النظر من قريب ....... سبحان الله .... مفيش حد كامل ....... قمت مديت إيدى وشلت الورق اللى شكله وحش...... مقدرتش إشيله كله بعد ما شلتهشكلها مبقاش حلو زى الأول ...... سبحان الله ....... نسيتها فى جيب البالطو وبعدين تانىيوم لقيت إن ريحتها حلو إزاى معرفش ......... سبحان الله ...... يا ترى بقى أملى فى الدنيا دى زى الورده اللى أنا إنغريت فيها دى ....... يا رب وعزتك و جلالك يا رب ما تكون كده ....... يا رب وعزتك و جلالك أنت عارف أنا قد إيه تعبان و مش قادر أستحمل ......... يا رب وعزتك لو لى فيها خير اجعلها من نصيبى ...... يا رب اجلعى فيها خير .......... كنت ماشى إمبارح فى الكليه و بعدين لقيتها واقفه مع صاحباتها وبتكلمهم و سمعت صوتها ودى كانت أول مره أسمع صوتها بوضوح قلبى قعد يدق كتيييييييير ......... مبقيتش قادر ........ خايف ........ مُحبط ........ عندىرجاء......... النهارده كانت قاعده قدامى على طول فى المدرج ...... كانت الدنيا مش سايعانى من الفرح ....... يشهد ربى إنى بأكتب الكلمات دى وقلبى مليان بالشجن الشديد ..... يشهد ربى إنى فى موقفى ده عايز أبكى ودموعى على أبواب عينى .... يشهد ربى إنى ماسكها بالعافيه ......... خايف ..... خايف أحسن تضيع منى ......... حتألم كتير وساعتها مقدرش أعرف إيه اللى ممكن يحصل لى ....... على العموم ربنا يستر .......